Zur Schreibaufgabe „Warum?“ vom Mai 2022

Warum?

von Runi Woblistin
 

Kriag is net nur
Auseinaundersetzung mit Woffen.
Kriag faungt fia mi scho gaunz klan aun.
Zwischen uns und de aundan
faungt ois aun.
Mit Worten

Worte, de valetzn
und si tiaf einigrobm,
wo sie nimma aussafindn.
Und imma wieda kummans vira.
Auf amoi kämpft ma nimma mehr nur
mit Worten

Ma heart nimma, wos da aundare sogt
ma wü goar nimma hearn.
Ma wü dem aundan ans auswischn.
Ma wü s dem aundan zagn.
Ma glaubt, nur so kaunnst jetzt wos ändan.
Daunn haut ma si die Schädeln ein.
Ohne Worte

Und irgendwaunn kummt ma drauf,
sou kaunns net weida gehen.
Und irgendwaunn steht ana auf –
a Gscheita
Und dann setzt ma si zamm und redt
kloare Worte.
WARUM NET GLEI?
W A R U M?